Мали огласи (2)

С(ц)иеста со Владимир Кузмановски, среда (24 ноември) во 5 по македонско. Плус објави од ФИТР, British Council, Билјана Мојсоска и Јаков Чакарески.

  1. Нашиот следен гостин на С(ц)иеста е Владимир Кузмановски. Владимир е пост-докторски истражувач на Универзитетот Аалто, Финска и истражувач-асистент на Институтот Јожеф Стефан, Словенија. Неговите истражувачки активности се во доменот на машинско учење и квалитативни методи за моделирање на одлучувачки процеси, и со особен интерес, нивна примена во домените на одржлив развој во полједелско производство и прехранбени дистрибутивни вериги. Дополнително, во моментов (во соработка со FinEst Center for Smart Cities, Естонија) работи на моделирање на ефекти врз, и потенцијал за, одржлива урбана мобилност со воведување на автономен јавен транспорт. Подолу е регистрација за гостувањето на Владимир во среда (24 ноември) во 5 по македонско:
    https://forms.gle/fFHna3oVTZ7cufw87

    Првите 20 регистрации се бесплатни, додатни места се достапни за поддржувачите на КАНТАРОТ.

    Subscribe now

  2. Порталот УМНО објави одлична репортажа од промоцијата на УКИМ центарот за напредни интердисциплинарни истражувања. Фондот за иновации и технолошки развој (ФИТР) ја виделе репортажата и упатија покана за соработка:

    Не знам колку сте запознаени, но Фондот за иновации во соработка со Кабинетот на Вицепремиерот за економски прашања од неодамна покрена иницијатива за изработување на национална стратегија за вештачка интелигенција и би сакале да стапиме во контакт со Центарот, доколку во нивната мрежа има и ваков тип на истражувачи. Дополнително, остваривме контакт со Институтот за вештачка интелигенција во Србија и тие се заинтересирани за заедничка соработка на истражувачки проекти во оваа сфера, што може дополнително да додаде вредност за УКИМ. Контакт мејл: ivana.stankovic@fitr.mk

    Share

  3. Британскиот совет објави повик за мапирање на секторот за развој на игри и за поддршка на гејминг секторот во Македонија. Подолу се повеќе детали и контакт информации, крајниот рок е 26 ноември:

    Ви честитам на основањето на Центарот за напредни и интердисциплинарни истражувања, минатата недела го проследив вашиот промотивен настан. Доколку имате интерес или е во делокругот на вашата работа и интерес, Ве канам да се пријавите на повик за мапирање на индустријата за развој на игри во Македонија објавен од страна на Британскиот совет во соработка со Министерството за култура, а во склоп на програмата за поддршка и развој на културните и креативни индустрии. Целта на бараното истражување е мапирање на секторот за развој на игри и формулирање на препораки за креаторите и донесувачите на одлуки за понатамошен развој и поддршка на гејминг секторот во Македонија. Очекуван период за реализација на мапирањето е од декември 2021 година до март 2022 година. Сите потребни информации се дадени во документот во прилог. Рокот за поднесување на понудата е петок, 26 ноември 2021 година до 16:00 по локално време. Доколку имате прашања во врска со овој повик, пишете ми на Zarko.koneski@britishcouncil.org.mk

    Share KAHTAPOT

  4. Билјана Мојсоска има слободна позиција во нејзината група во Данска за пост докторант (две години) , за работа на наноструктури од областа на огранската хемија и микробиологијата. Повеќе информации подолу:

    https://candidate.hr-manager.net/ApplicationInit.aspx?cid=1310&ProjectId=146585&DepartmentId=18970&MediaId=4619&SkipAdvertisement=False&uiculture=en

    ДОНИРАЈТЕ

  5. Јаков Чакарески бара студенти и постдокторанти кои се заинтересирани да работат на проект за augmented reality во соработка со University of Illionis:
    https://csl.illinois.edu/news/42344

    Доколку сте заинтересирани можете да го контактирате Јаков на следниов меил: jacob.chakareski@njit.edu